TrueCaller اعرف اسم المتصل بدون سابق معرفه - حلقة 45

اعرف رقم اللي بيتصل بيك بدون ما يكون مسجل عندك مسبقا TrueCaller

[caption id="attachment_2041" align="aligncenter" width="600"] truecaller[/caption]

اعزائي كل متابعي موقع شوف ازاي . كوم اليكم فيديو جديد وحصري جدا لموقعنا بعنوان " اعرف اسم المتصل بدون سابق معرفه " بواسطة برنامج موقع truecaller

" في رقم غريب بيرن عليك وبيعاكس او في حد بيكلمك من رقم مش متسجل عندك وعاوز تعرف هو مين ؟ او في ارقام كتير بتتصل وبتسبب لك ازعاج ونفسك تعرف مين صاحب الرقم ده ؟ او انت من النوع اللي يحب يعرف مين بيكلمه من رقم غريب حتي لو مش متسجل عندك في الموبايل ؟ "

لو انت واحد من دول النهارده انا جايب لكم الحل مع فكرة جديدة لموقع عبقري

الموقع فكرته ببساطة هو برنامج علي الماركت الخاص بالاندرويد اسم البرنامج " truecaller "

البرنامج ده ببساطة truecaller عنده قاعدة بيانات رهيبة تتجاوز 980 مليار رقم موبايل حول العالم تقدر عن طريق الموقع ده انك تبحث عن الرقم اللي مضايقك وتعرف اسم صاحب الرقم ولو في صورة للشخص كمان بيجيبهالك . وبكده يبقي ممكن انك اعرف رقم اللي بيتصل بيك وبيعاكسك .

الموضوع حقيقي وبجد مش خدعه ومش وهمي ومنتظرينك تجرب بنفسك وتقولنا نتيجة تجربتك في كومنت اسفل الموضوع او في صفحتنا علي الفيس بوك https://www.facebook.com/shooofezay .

طب السؤال بقي :

البرنامج او الموقع truecaller جاب الارقام منين ؟

الاجابة بسيطة جدا :

كل شخص بينزل البرنامج علي موبايله يقوم برنامج truecaller بأخذ نسخة من دليل الهاتف والاسماء والارقام المسجله علي الموبايل وبيرفعها علي السيرفر الخاص بالموقع وهكذا مع كل المشتركين وبكده جمع الموقع ارقام موبايلات باعداد مهولة وارقام لا حصر لها في كل دول العالم .

الشرح موجود بالفيديو لحضراتكم بالتفصيل لكيفية استعمال الموقع ونتمني ان يكون الشرح بسيط كعادة موقعنا وواضح ونترك لكم التجربة .

في انتظار مقترحاتكم وتعليقاتكم علي الفيديو وطريقة العرض وكذلك يسعدنا تلقي اسئلتكم في ركن الاسئلة بالموقع للرد عليها سواء بالشرح المفصل بالصور او بعمل فيديو يشرح اجابة السؤال . لا تترددوا في مراسلتنا

 اليكم الفيديو ومشاهده ممتعة ان شاء الله